1 қазан - Халықаралық қарттар күні мерекесіне орай, мектеп оқушылары ауданымыздағы №3 Арнаулы әлеуметтер ұсыну орталығына барып "Қариясы бар ел-қазынасы бар ел" тақырыбында іс-шара өткізді.
Үлкенді сыйлау, оларға құрмет көрсету – ата-бабадан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың ел болашағы үшін қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым-парасаттың үлгісін танытудан жалыққан емессіздер.
Сіздерді 1 қазан - Қарттар күнімен құттықтай отырып, мықты денсаулық, жандарыңызға рухани байлық, ұрпақтарыңызға ұзақ ғұмыр тілейміз.
